هلمند کې یوشمېر بزګران وروزل شول
١۵ زمری ۱۴۰۲ه.ش
١۹ مُحَرَّمُ الحَرام ۱۴۴۵ه.ق
دهلمند ولایت د کرنې، اوبولګولو او مالدارۍ ریاست اړوند ، د اصلاح شویو تخمونو تصدیق ورکولو آمریت لخوا د دې ولایت د مرکز لښکرګاه او ولسوالیو لسګونه بزګران وروزل شول.
یادو بزګرو ته د غنمو د ښه تخم انتخابولو، د هرزه وښو پاکولو، د مناسبې اندازې اوبو ورکولو او د ځمکې اماده کولو په اړه لازمې لارې چارې ور وښودل شوې.
ددې ترڅنګ نوموړو بزګرو ته توصیه وشوه هغه تخمونه چې کرلو ته چمتو وي باید په ځانګړیو درملو ملوث کړل، شي ترڅو کروندې یې د نباتي ناروغیو څخه خوندي ووسي.
همدارنګه هغه نباتي ناروغۍ چې کروندو کې پیداکېږي باید د کرنې له مسلکي اشخاصو څخه مشوره واخیستل شي او بیا یې په مخنیوی کې اقدام ترسره شي .
وروستیو کې د اصلاح شویو تخمونو د ارزښت او اهمیت په اړه بزګرو ته عامه پوهاوی ورکړل، او یادونه وشوه چې اصلاح شوي تخمونه د کمو اوبو او نباتي ناروغیو سره مقاومت لري، لس سلنه په حاصلاتو کې زیاتوالی راولي او پر وخت یې حاصلات پخېدو ته رسېږي.
