هلمند کې د شاتو تولیدات په زیاتېدو دي

content_admin
سه‌شنبه ۱۴۰۰/۳/۴ - ۱۵:۱۴
هلمند کې د شاتو تولیدات په زیاتېدو دي

۴ غبرګولی ۱۴۰۰
د هلمند ولایت د کرنې، اوبولګولو او مالدارۍ ریاست چارواکي وایي، چې د شاتو مچیو روزنې صنعت د پراخېدو او د مالدارۍ سکتور د پیاوړتیا په پار یې د شاتو مچیو روزونکو سره په ګډه هڅې پیل کړي دي، ترڅو په دې ولایت کې د شاتو مچیو روزنې صنعت ته وده او پراختیا ورکړي، ددغو هڅو په پایله کې ددې ولایت د شاتو د تولیداتو کچه څه باندې ۳۵ ټنو ته ورسېد.
هلمند کې د شاتو مچیو روزلو کاروبار په غوړېدو دی، چې دا مهال سلګونه کسان پکې په کار بوخت دي او له همدې لارې خپله حلاله نفقه لاسته راوړي.
د هلمند د کرنې رییس زلمی الکو وایي، چې په دې ولایت کې د شاتو د تولیداتو کچه کال تر بلې زیاتېږي، دهغه په خبره تېرکال ددې ولایت د شاتو د تولید کچه ۲۴.۵ ټنه وه، چې سږکال به دا شمېره ۳۵.۷ ټنو ته لوړه شي.
ښاغلی الکو وویل، چې دهلمند ولایت کرنې، اوبولګولو او مالدارۍ ریاست لخوا بزګرو ته نږدې 400 بابه د شاتو مچیو فارمونه جوړ شوي دي، چې د هرکال په تېرېدو سره یې مچۍ او د شاتو تولید په زیاتېدو دي.
دا مهال ددې ولایت فارمونو کې ۱۳ زره او ۱۲۰ صندوقه مچۍ تر روزنې او پالنې لاندې دي.
ددې ولایت د شاتو مچیو  فارم لرونکو ته د کرنې ادارې د کارمندانو لخوا لارښوونې کېږي، ترڅو په فني او مسلکي توګه خپلې چارې مخته یوسي.
د هلمند ولایت د شاتو مچیو فارم لرونکي هم وایي، د شاتو په تولید کې یې هرکال زیاتوالی راځي، چې سږکال هم د تېر کال په پرتله د شاتو په تولید کې د پام وړ زیاتوالی راغلی دی.  
دهلمند ولایت د کرنې ریاست د معلوماتو له مخې په 1398 کال کې د هلمند په کچه ۱۷.۵ ټنه، په ۱۳۹۹یم کال کې ۲۴.۵ ټنه شات تولید شوي و او په روان ۱۴۰۰ کال کې به ددې ولایت د شاتو د تولید کچه ۳۵.۷ مټریک ټنو ته ورسېږي.
دا په داسې حال کې ده، چې د هلمند د کرنې ریاست لخوا په دې ولایت کې د شاتو مچیو د کاروبار د لا پراختیا په پار د روزنیزو پروګرامونو ترڅنګ په بېلابېلو برخو کې له دوی سره مرستې اوهمکارۍ شوي دي.
په هلمند کې د شاتو مچیو د روزنې زمینه مساعده ده او دا مهال په دې ولایت کې یوشمېر کسانو شاتو مچیو روزلو ته مخه کړي، چې دلته یې روزنه وکړي او ترې ښه عسل تر لاسه کړي.
په دې لړ کې سلګونه کسانو ته د کاروبار زمینه برابره شوې ده او تر ډېره یې اقتصاد ورسره ښه شوي دي.
د یادونې وړ ده، چې سږکال د هلمند ولایت کرنې ریاست لخوا، له لغمان ولایت څخه ۲۵زره اصله د بیرو نیالګي را انتقال او تر روزنې لاندې نیول شوي دي. د نوموړو نیالګيو ګل د مچیو لپاره بهترینه خواړه بلل کېږي، چې له مخې به یې راتلونکي کې د بېرې شات هم په دې ولایت کې تولید شي .

تازه ترین اخبار

شنبه ۱۴۰۵/۸/۳۰ - ۱۶:۲۲
Background image

بررسی روند توزیع تخم اصلاح‌شده پنبه اوزبیکستان برای دهاقین ولایت جوزجان

۳۰ عقرب ۱۴۰۵ هـ.ش
مولوی مصباح‌الدین مستعین رئیس توسعه غله‌جات، نباتات تیلی و صنعتی وزارت زراعت، آبیاری و مالداری، در سفر کاری به ولایت جوزجان با مولوی جان‌مراد وقار رئیس زراعت، آبیاری و. . .

شنبه ۱۴۰۵/۸/۳۰ - ۱۶:۲۰
Background image

توزیع تخم اصلاح‌شده گندم برای ۲ هزار دهقان در ولایت غور

۳۰ عقرب ۱۴۰۵ هـ.ش
ریاست زراعت، آبیاری و مالداری ولایت غور با همکاری دفتر مؤسسه سی اچ ای  در فیروزکوه، برای ۲ هزار تن از دهاقین واجد شرایط در مرکز این ولایت، تخم اصلاح‌شده گندم را پس از. . .

شنبه ۱۴۰۵/۸/۳۰ - ۱۶:۲۰
Background image

توزیع وسایل پروسس لبنیات برای ۷۴ زن مالدار در ولایت سمنگان آغاز شد

۳۰ عقرب ۱۴۰۵ هـ.ش
روند توزیع ۳۴ قلم وسایل و تجهیزات پروسس لبنیات برای ۷۴ تن از زنان مالدار در ۲۱ قریه ولسوالی خرم و سارباغ ولایت سمنگان، از سوی دفتر افغان‌اید در همکاری ریاست زراعت،. . .

BACK TO NEWS