کندهار کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی غونډه
۱۷ غبرګولی ۱۴۰۲ه.ش
۱۸ ذو القعدة ۱۴۴۴ ه.ق
دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد ټیم رییس مولوي محمود مظلوم په مشرۍ غونډه دائره شوه.
د غونډې په پيل کې دکندهار دکرنې رييس او د کمېټې مشر مولوي محمود مظلوم لارښوونکې وینا ویلو ترڅنګ د تېرې غونډی دپریکړو دتطبیق ارزونه وکړه.
په دې غونډه کې دغه راز د کندهار د ښاروالۍ د سند ملکیت مکتوب چې له مرکز څخه راغلی، د ظاهر شاهي کانال د موضوع په اړه خبرې اترې وشې دغه راز په غونډه کې د تخنیکی پلاوی د راغلو دوسیو په هکله نظرونه شریک کړل او همداراز د پڼي کاریز د موضوع په هکله چې د کندهار په ارغنداب ولسوالی کې موقعیت لري هم خبرې وشوې، په همدې توګه د غونډې په ترڅ کې، د ښارجوړونې او ښاروالۍ رییسان د افکو ( عینومینې) کمپنۍ ته ور وپيژندل شول تر څو د یادې کمپنۍ د روانو کارونو څخه نظارت ترسره کړي.
په غونډه کي پر ځینو نورو موضوعاتو هم بحثونه وشول او د غونډي نورو ګډون والو یو له بل سره خپل نظرونه شریک کړل.
باید وویل شي، چې کندهار کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
