د ننګرهار غني خېلو کې د شېدو ټولولو مرکز جوړ شو
۱۴ غبرګولی ۱۴۰۲ه.ش
١۵ ذو القعدة ۱۴۴۴ ه.ق
د ننګرهار دکرنې، اوبولګولو او مالدارۍ ریاست د افغانستان لپاره د هالنډ کمېټې «DCA» په همکارۍ ددې ولایت غني خېلو ولسوالی کې د شېدو ټولولو معیاري مرکز جوړ او ګټې اخیستنې ته وسپارل.
د چارواکو په خبره یاد مرکز ټول اړین توکي لکه یخچال، موټرسایکل او د شېدو ټولولو نور وسایل لري، چې تر پروسس وروسته پنیر، کوچ، پیروې او مستې هیوادوالو ته په ښه بیه عرضه کوي.
ددې مرکز د جوړولو موخه مالدارانو ته اسانتیا برابرولو او لبني موادو پېر-پلور ته بازارموندنه او د لبني موادو خوندیتوب دی.
