ارزګان کې د کب روزنې صنعت په پراخېدو ده

۷ سلواغه ۱۳۹۹
د ارزګان په ولایت کې کب روزنې ته د خلکولېوالتیا ورځ تر بلې زیاتېږي او په دې وروستیو کلونو کې په دغه ولایت کې د کبانو روزنې ۸۰ بابه فارمونه جوړ شوي دي.
د ارزګان د کرنې ریاست چارواکي وایي، چې په دې ولایت کې د شته ۸۰ فارمونو له ډلې ۴۰ فارمونه یې نوي جوړ شوي دي.
د کبانو دغه شمېر فارمونه د ارزګانولایت په بېلابېلو څنډو کې د کرنې، اوبولګولو او مالدارۍ وزارت او خصوصي سکټور په ګډې همکارۍ جوړې شوي.
د یاد صنعت د پیاوړتیا او لا پراختیا په موخه د ارزګان د کرنې ریاست له لوري د کبانو فارم لرونکو ته روزنیزې برنامې په لاره اچول، د کبانو نوي فارمونه جوړول، پر کب روزونکو د کبانو روزنې اړونده توکي وېشل او د بڼوالۍ او مالدارۍ ملي پروژې «NHLP» له لوري په فارم لرونکو تر ۳۰ زره شاوخوا د کبانو بچیانو وېشلهغه څه دي، چې په دې ولایت کې د کبانو روزنې د صنعت د پراختیا په پار ترسره شوي دي.
باید وویل شي، چې په دې وروستیو کلونوکې په افغانستان کې د کب روزنې ډېر فارمونه جوړ شوې، چې ډېری یې په کندهار، هلمند، ارزګان، ننګرهار، لغمان، بلخ او نیمروز ولایتونوکې شتون لري.