غزني کې د یوشمېر بزګرانو او خصوصي سکټور ترمنځ هوکړه لیکونه لاسلیک شول

۲۰ لیندۍ ۱۳۹۹
د غزني د کرنې، اوبولګولو او مالدارۍ ریاست او د « RADP-E » پروژې په همکارۍ ددې ولایت د زردالو تولیدوونکو، د چرګانو روزونکو، د کرنیزو او حیواني چوپړونو وړاندې کوونکو شرکتونو ترمنځ د پېر-پلور هوکړه لیکونه لاسلیک شول.
دغه هوکړه لیکونه ددې ولایت له دووشرکتونو سره د محصولاتو د بازار موندنې په موخه د چرګانو روزنکو او د زردالو توليدونکو ترمنځ لاسلیک شوي دي. ددې هوکړه لیکونو ټولیز ارزښت پنځه میلیونه افغانۍ ده.
د غزني دکرنې ریاست وایي، چې دددې هوکړه لیکونو موخه له مارکېټ سره د بزګرانو نښلول، بزګرانو ته لوړ ارزښت لرونکي توکي ورپېژندل او د بزګرانو محصولاتو لپاره بازارموندل دي.
ددې هوکړه لیکونو پربنسټ به ياد شرکتونه خپل محصولات د بازار له نرخ څخه په لس سلنه ټیټه بیه پرکروندګرو پلوري او دکروندګرومحصولاتو ته به د ترانسپورت آسانتیاوې برابروی، اصلاح شوی تخمونه به چمتو کوي، د وړتیا لوړونې په پار به بزګرانو ته عملي او نظري روزنیزې برنامې په لاره اچوي او د امکان په صورت کې به بزګرانو ته کوچینې پورنه هم ورکوي.