د لغمان د کب روزنې پر ۲۰ فارم لرونکو د کبانو روزنې اړونده توکي ووېشل شوې

۲۹ لړم ۱۳۹۹
په لغمان کې د کبانو فارمونو د ودې په حال کې ده او په تېرو څو کلونو کې په دغه ولایت کې د کبانو روزنې ډېر شمېر  فارمونه جوړ شوي دي.
د لغمان دکرنې، اوبولګولو او مالدارۍ رياست ددې ولایت د کبانو روزنې د فارم لرونکو د ملاتړ په پار پر ۲۰ فارم لرونکو د کبانو روزنې اړونده توکي، چې په کې درې حلقې دکب نيونې جالونه، دوه پلاستکي تشتونه، دوه PH مترونه، دوه جورې موزې، دکب روزنې دوه جورې ځانګړې جامې، دکبانو دخوړو څلور لوښې، څلور ترماميترونه، دکبانو دلېږد پنځه ځانګړي بکسونه، څلور ابازکونه، څلور لمريزې تختې، ۲۰ کيلو ګلوکوز، پنځه کيلو ويټامين او ۱۴۰ کيلو دکبانو خواړه په کې شامل دي وېشلي دي.
د لغمان دکرنې رییس انجنیر محمدجمیل خوشحال وایي، چې دغه مرستې د لغمان په مرکز مهترلام او ددې ولایت په قرغیو ولسوالۍ کې دکبانو له ۲۰ فارم لرونکو سره شوي دي. ښاغلی خوشحال وویل، چې خلکو ته د کاري فرصتونو برابرولو او د کورنیو اقتصادي پیاوړتیا په پار په پام کې ده، چې په دې ولايت کې د کبانو نور فارمونه هم جوړ شي.