پکتیکا کې د ۳۰۰جریبه مېوه لرونکو بڼونو د جوړولو چارې پیل شوې

content_admin
چهارشنبه ۱۳۹۹/۱/۶ - ۱۲:۲۷
 پکتیکا کې د ۳۰۰جریبه مېوه لرونکو بڼونو د جوړولو چارې پیل شوې

۶ وری ۱۳۹۹
د پکتیکا د کرنې، اوبولګولو اومالدارۍ ریاست چارواکي وایي، چې د بدیل معیشت پروګرام له لارې ددې ولایت د مټاخان، جانیخېل، ارګون او مرکز ښرنه کې د ۳۰۰ جریبه مېوه لرونکو بڼونو د جوړولو په پار د ۳۷ زره او ۵۰۰ نیالګیو د وېش لړۍ پیل شوې، چې په هر بڼ کې یې ۱۲۵ نیالګي کېنول کیږي.
پکتیکا کې د ۳۰۰ جریبه نوي بڼونو دجوړولو چارې په داسې حال کې پیلیږي، چې څو ورځې مخکې د کرنې، اوبولګولو او مالدارۍ وزارت د بڼوالۍ او مالدارۍ ملي برنامې «NHLP» له لارې په پکتیکا ولایت کې د ۶۵۰ جریبه مېوه لرونکو نوي بڼونو د جوړولو کمپاین هم پیل شوې وه.
دغه کمپاین، چې د کرنې وزارت د بڼوالۍ او مالدارۍ ملي برنامې له خوا پیل شوې ده، په ترڅ کې به یې د پکتیکا ولایت په مرکز ښرنه او ددې ولایت په جانیخیل او خیرکوټ ولسوالیو کې ۶۵۰جریبه نوي مېوه لرونکي بڼونه جوړ شي.
د پکتیکا د کرنې ریاست چارواکي وایي، چې د مېوو نوي بڼونه جوړول په دې ولایت کې د بڼوالۍ په برخه کې بې ساري پرمختګ دی.
د کرنې، اوبولګولو او مالدارۍ وزارت پر دې سربېره، چې کروندګرو ته به تصديق شوي نيالګي ورکړي، له هغوی سره د باغونو په نقشه اچولو، د اوبولګولو د سيسټم په جوړولو او د بڼوالۍ د مديريت اړوند ځينو نورو برخو کې هم تخنيکي او فني مرستې کوي.
د کرنې وزارت هلې ځلې کوي، چې پکتیکا ولایت کې بڼوالۍ ته وده ورکړي، هغه ونې ترویج کړي چې په ډېره لنډه موده کې مېوه نیسي او ښه کمیت او کیفیت لرونکي وي، تر څو د بڼوالۍ محصولات ډېر او د بڼوالو عواید زیات شي.

خبرهای تازه

پنجشنبه ۱۴۰۴/۵/۱۶ - ۹:۳۷
Background image

توزیع تجهیزات حمایتی برای مالداران در ولسوالی دلارام

۱۶ اسد ۱۴۰۴ هـ.ش
به هدف حمایت و تشویق مالداران، ۴۵ قلم تجهیزات ضروری به همکاری کمیته هالند برای افغانستان، برای مالداران واجد شرایط در ولسوالی دلارام ولایت نیمروز توزیع شد.
این تجهیزات. . .

چهارشنبه ۱۴۰۴/۵/۱۵ - ۱۰:۴۹
Background image

برگزاری جلسه هماهنگی میان ریاست زراعت و مؤسسات همکار در بغلان

۱۵ اسد ۱۴۰۴ هـ.ش
جلسه هماهنگی میان ریاست زراعت، آبیاری و مالداری بغلان و مؤسسات همکار با حضور مولوی مصباح‌الدین مستعین، رئیس غله‌جات وزارت زراعت، و سردار خان قانون‌مل، مدیر عمومی. . .

چهارشنبه ۱۴۰۴/۵/۱۵ - ۹:۳۹
Background image

توزیع زنبور عسل و وسایل زنبورداری برای خانواده‌های مستحق در ولسوالی بنگی تخار

ریاست زراعت، آبیاری و مالداری ولایت تخار اعلام کرد که در ادامهٔ برنامه‌های حمایتی از زنبورداران محلی، به همکاری مؤسسه میشن ایست، برای ۸ خانواده مستحق در قریه قلبراق بالای ولسوالی بنگی. . .

بازگشت به خبرها