نظارت از روند تطبیق ۱۲۰ هزار دوز واکسین بیماری جلدی مواشی در جوزجان
۲۱ میزان ۱۴۰۵ هـ.ش
کارمندان فنی و مسلکی ریاست زراعت، آبیاری و مالداری ولایت جوزجان از روند تطبیق واکسین بیماری جلدی لمپی‌اسکین (LSD) در ولسوالی‌های خواجه دوکوه، فیض‌آباد، خانقاه و مردیان نظارت کردند.
ریاست زراعت جوزجان به‌منظور جلوگیری از شیوع بیماری جلدی مواشی، ۱۲۰ هزار دوز واکسین را برای تطبیق بر مواشی مالداران در مرکز شبرغان و ولسوالی‌های ده‌گانه این ولایت به مسئولان کلینیک‌های خصوصی صحت حیوانی توزیع کرده است.
هیأت نظارتی ضمن بررسی روند تطبیق واکسین‌ها، مشکلات مالداران را نیز بررسی کرده و به مسئولان کلینیک‌های صحت حیوانی در زمینه تطبیق درست و مؤثر واکسین‌ها رهنمودهای لازم ارائه نمودند.
