میدان وردګ کې د اقلیم د بدلون په اړه د کرنې مسلکي کارکوونکو لپاره ورکشاپ ترسره شو

۱۵ مرغومې ۱۴۰۴ه‍.ش
۱۵ رَجَب المُرَجَّب ۱۴۴۷ه‍.ق
د میدان وردګو ولایت د کرنې، اوبو لګولو او مالدارۍ ریاست له لوري د اقلیم د بدلون په تړاو یو ښوونیز ورکشاپ د کرنیزو خدمتونو آمریت، د څارویو د روغتیا آمریت او د قدرتي سرچینو آمریت د مسلکي کارکوونکو په ګډون جوړ شو.
د یاد ورکشاپ په ترڅ کې ګډونوالو ته د اقلیم د بدلون د مفهوم، لاملونو او اغېزو په اړه هر اړخیز عامه پوهاوی ورکړل شو او همدارنګه د دې په اړه خبرې وشوې چې څنګه کولای شو د اقلیم د بدلون له منفي اغېزو مخنیوی وکړو او د چاپېریال ساتنې له لارې په اقلیم کې د مثبت بدلون سبب وګرځو.
د ورکشاپ په پای کې ګډونوالو له مسؤلو کسانو څخه د یادې علمي او معلوماتي ناستې د جوړولو له امله مننه وکړه او دغه ورکشاپ په ښه او بریالي ډول پای ته ورسېد.