د فاریاب دکرنې ریاست وایي ټاکل شوې، چې د ژمني کمپاین په لړ کې به په دې ولایت کې د مېوو ۴۳۶ نوي بڼونه جوړ شي.
ددغو بڼونو د جوړولو لړۍ د ۳۰ زره او ۵۰۰ مثمرو نیالګیو په وېش سره پیل شوی دی.
دغه نیالګي، چې د کرنې، اوبولګولو او مالدارۍ وزارت د بڼوالۍ او مالدارۍ ملي پروژې له خوا چمتو شوي دي په کې د زردالو، الو، املوک، بادام، انار، چهارمغز، ګیلاس، مڼه، ناک، شفتالو او انګور شامل دي، چې له برخمن شویو بڼوالو یوازې د نیالګیو ۵۰ سلنه لګښت اخیستل شوی دی.