د کندهار ارغستان کې سلګونو بزګرانو سره مرسته وشوه
د کندهار دکرنې، اوبولګولو او مالدارۍ ریاست د «آر،یو،کې» ادارې په مالي او د اسلامي هوساینې مؤسسې په تخینکي همکارۍ ددې ولایت د ارغستان ولسوالی ۵۰۰ بزګرانو سره د اړینو توکو مرسته وکړه.
په دې مرستې کې پنځه قلمه توکي شامل دي، چې په کې هر بزګر ته « د درمل شیندنې ډبه، لاسي ګاډۍ، یوه بیلچه، یو ریک او یو ګراف هو» ورکړل شوي دي.
د دې توکو له وېش موخه د بزګرانو ملاتړ، د هغوی اقتصادي وضعیت ښه کول او د بیوزلۍ کچه ټېټول ښودل شوی دی.
د یادونې وړ ده، چې تر دې مخکې هم د کندهار د کرنې ریاست په هڅو، د اسلامي هوساینې مؤسسې له لورې د کندهار د ارغنداب په ولسوالی کې هم پر ۲۱۵ بزګرانو ورته مرستې وېشل شوې وې.
