د خوست کرنې ریاست کې د تڼیو او ځاځي میدان ولسوالیو کثیرالرشتوي انستیتوتونو محصلینو لپاره د پراکتیک زده کړو ناسته وشوه

۲ لړم ۱۴۰۳ه‍.ش
۲۰ رَبِیعُ الْثاني ۱۴۴۶ه‍.ق
د خوست ولایت د کرنې، اوبو لګولو او مالدارۍ ریاست په تڼیو او ځاځي میدان ولسوالیو کې د تخنیکي او مسلکي زده کړو آمریت اړوند کثیرالرشتوي انستیتوتونو محصلینو ته د پراکتیک زده کړو په موخه معرفتي ناسته ترسره کړه.
په دې ناسته کې د کرنې ریاست سلاکار بهیر ګل صابري او د کرنیزو چارو آمر مولوي اسلم خان منیب ګډون وکړ. دوی د عملي زده کړو پروګرام محصلینو ته تشریح کړ. د یاد پروګرام له مخې به محصلین د یوې میاشتې لپاره د کرنې ریاست مسلکي کارمندانو له‌خوا هم نظري او هم عملي زده کړې تر لاسه کړي.
دغه پروسه د پراختیایي هڅو یوه برخه ده، چې له وړاندې موجوده وه او موخه یې د محصلینو مسلکي وړتیاوې لوړول او د هغوی عملي مهارتونو ته وده ورکول دي.