کندهار کې پر ۱۹۰۰ هکټاره ځمکه پیاز کرل شوي
١٩ تله ۱۴۰۳ه.ش
٧ رَبِیعُ الْثاني ۱۴۴۶ه.ق
د کندهار د کرنې، اوبو لګولو او مالدارۍ ریاست د سږ کال لپاره د پیازو کرنې په موخه سروې کړې، چې د دامان، بولدک، میوند، خاکریز، ژړۍ، ډنډ او پنجوايي ولسوالیو په ګډون، پر ۱۹۰۰ هکټاره ځمکه پیاز کرل شوي دي.
د پیازو دغو کروندو څخه به سږ کال ٦٨ زره او ٢٥٠ ټنه حاصل ترلاسه شي. د کندهار دکرنې ریاست هڅه کوي ترڅو د پیازو لپاره مناسبه بازارموندنه وکړي او د پیازو بیې په هېواد دننه او بهر کې د کروندګرو په ګټه وي.
یادونې وړ ده، چې په کندهار کې تېر کال هم پر همدې کچه ځمکه پیاز کرل شوي وو، چې ورته حاصلات یې ورکړي وو.
