د ننګرهار په لسو ولسوالیو کې د جوارو ۲۶۰ ننداریزې قطعې جوړې شوي دي
۱۵ تله ۱۳۹۸
د ننګرهار د کرنې، اوبولګولو او مالدارۍ ریاست د کرنې وزارت د « SNaPP2» پروګرام په همکارۍ ددې ولایت په لسو ولسوالیو کې د جوارو ۲۶۰ ننداریزې قطعې جوړې کړي دي.
دننګرهار د کرنې رییس انجنیر سمیع الله نصرت چې ددې ولایت د بهسودو ولسوالۍ د جوارو له نندارزېو قطعو لیدنه کول وویل، چې دغه ننداریزې قطعې ددې ولایت په بهسودو، کامې، خېوې، دره نور، ګوشتې، سره رود، خوګیاڼي، رودات، لعلپور او مهمندرې ولسوالیو کې جوړې شوي دي. د هغه په خبره د یادو ننداریزو قطعو د جوړولو موخه په عصري او پرمختللي بڼه د جوارو د کرکېلي په برخه کې بزګرانو ته عملي روزنه ورکول دي. د ننګرهار د کرنې رییس انجنیر سمیع الله نصرت وویل، یاد ننداریزې قطعې د کتار په ډول جوړ شوي دي، چې له یوه جریب څخه یې ۱۸۰ تر ۲۰۰ منو حاصل په لاس راځي.
باید وویل شي، چې په عصري سیستم د جوارو کرکيله او د جوارو هایبريډ تخمونو کرل د جوارو په حاصلاتو کې د پام وړ زیاتوالی راولي.
