کندز کې د کروندو خوندیتوب په پار هڅې؛ ۳۰۰ بوجۍ جعلي سرې نیول شوي
۳ لړم ۱۴۰۲ه.ش
۱۰ ربیع‌الثاني ۱۴۴۵ ه.ق
د کندز ولایت د کرنې، اوبولګولو او مالدارۍ ریاست د بوټو ساتنې او قرنطین د عمومي مدیریت تخنیکي ټیم د معلوماتو او هڅو په پایله کې، د کندز ولایت په آمام صاحب بندر کې د کیمیاوي سرې په نوم یوې جعلي فابریکې مواد تولیدول او په بزګرانو او باڼوالانو پلورل کیدو وپیژندل شوو، او ۳۰۰ بوجۍ جعلي سرې، چې د کیمیاوي سرې په بڼه یې له خاورې، ګچ، ایرو، سرش او داسې نورو موادو څخه جوړ کړي و، ونیول شول او د کرنې ریاست ګدام ته انتقال او د جرم مرتکبین عدلي او قضايي ارګانونو ته معرفي شوي دي.
دکندز دکرنې ریاست هلې ځلې کوي، چې په دې ولایت کې بزګرانو ته معیاري محصولات وړاندې او د دوی کروندې خوندي کړي.
