لغمان کې د مربا او اچارو معیاري فابریکه جوړه شوه
۱۸ کب ۱۳۹۹
د لغمان په ولایت کې د لومړي ځل لپاره د مربا او چارو معیاري فابریکه جوړه شوه.
د چارواکو په خبره د مربا او اچارو یاده فابریکه د «بهار سبز» په نو تولیدات بازار ته وړاندې کوي، چې په ورځ کې د دوه مټریک ټنو د تولید وړتیا لري. یاده فابریکه د مارکېټ اړتیاوو ته په کتو ولسونو ته باکیفیته مربا او اچار تولیدوي او په ارزانه بیه یې د خلکو په واک کې ورکوي.
یاده فابریکه د خپل اړتیا وړ اوومه توکي له سیمه ییزو بزګرانو پېرې، چې په دې سره ددې ولایت د بزګرانو کرنیزو محصولاتو پلور ته هم زمینه برابره شوې ده. دغه راز په دې فابریکه کې ۲۰ کسانو ته په نیغه او لسګونو نورو کسانو ته په نانېغه توګه د کار زمینه هم برابره شوې ده.
