زابلي مالدارانو ته د عامه پوهاوي پروګرام دائر شو

۸ زمری ۱۴۰۲ه‍.ش
۱۲ مُحَرَّمُ الحَرام ۱۴۴۵ه‍.ق
د زابل د کرنې، اوبولګولو او مالدارۍ ریاست په هلوځلو د هالنډ کمېټې له لوري زابلي مالدارانو ته د وړیو، ګرګ یا پشم د پروسس او اغېزمنې ګټې اخیستنې په برخه کې د عامه پوهاوی پروګرام ترسره او ترڅنګ یې د یادې کمټې له خوا د زابل ټولو ولسوالیو کې مالدارانو ته د څارویو درمل هم کړل شوي دي.
د افغانستان جنوب کې د هالنډ کمېټې عملیاتي مسؤل فضل الله سيفي وویل له زابلي مالدارانو سره د دوی مرستې دوام لري، په خبره يې غواړي چې مالداران ته  مسلکي ورکشاپونه ورکړي، ترڅنګ يې ورته اړوند وسايل هم وېشلي دي.
د زابل دکرنې، اوبولګولو او مالدارۍ رییس مولوي عطاالله راشد د خوښي په څرګندولو سره وویل، لیري نه ده چې د مالدارۍ برخه کې به زابل لا زیات پرمختګ وکړي هغه هیله وښوده، چې همکاره موسسات خپله پاملرنه نوره هم زیاته کړي.
له دې پروګرام څخه برخمن شوي مالداران د هالند کمېټې له چارواکو وغوښتل، چې دې ته ورته نور پورګرامونه دې هم ورته پلي او ترڅنګ یې له دوی سره د څارویو د درملو مرستې وکړي.