د دولتي ځمکو د غصب مخنیوی او بېرته راګرځولو پلاوی د لوګر تخنیکي پلاوی سره وکتل
د دولتی ځمکو د غصب مخنیوی او بېرته راګرځولو کمیسیون د عدلیې وزرات د قضای امارت لوی رییس مولوی احسان الله وثیق، په مشرۍ د لوګر ولایت دغصب مخنیوی تخنیکي پلاوی مشر او غړو سره دګډې ناستې په ترڅ کې پر بېلابېلو موضوعاتو خبرې وکړې.
یاده ناسته، چې د لوګر ولایت ښاروالۍ ریاست په مقام کې جوړه شوی وه د لوګر ولایت د غصب مخنیوی تخنیکي پلاوی مشر مولوی سیدامین هاشمي په ګډون یوولس کسیز پلاوی غړو هم پکې ګډون درلود.
د لوګر د غصب مخنیوی تخنیکي پلاوی رییس راغلي پلاوی ته د ښه راغلاست تر څنګ له هغوی سره د یاد ولایت تخنیکی پلاوی ستونزی، ننګونې اوغوښتنې شریکې کړې.
راغلي پلاوی هم د خبرو په لړ کې د تخنیکي پلاوي کړنې وستایلې او زیاته یې کړه، چې ستونزې او غوښتنې به یې د کمیسیون له مشرتابه سره شریکې کړې او همدا راز یې د تخنیکي پلاوی د مالي لګښتونو او د غصب مخنیوی د غړو لپاره محافظین اړین وبلل او د حل ډاډ یې څرګند کړ.
باید وویل شي، چې د یادې ګډې ناستې موخه د تخنیکي پلاوي ستونزې او غوښتنې اوریدل او د دوسیو څېړل ښودل شوی دی.
د لوګر ولایت د غصب مخنیوی تخنیکي پلاوی په دغه ولایت کې د کړنو له پیل څخه تر اوسه زرګونه جریبه دولتي ځمکه د غاصبینو له منګولو ژغورلې ده.
