لوګر کې د ځمکې غصب او غصب شویو ځمکو د بېرته راګرځولو تخنیکي پلاوي کړنې
۱۲ چنګاښ ۱۴۰۲ه.ش
۱۵ ذیالحِجّة ۱۴۴۴ ه.ق
د لوګر ولایت د ځمکې غصب مخنیوي او غصب شویو ځمکو د استرداد تخنیکي پلاوی په دې ولایت کې د ځمکې د غصب مخنیوی په پار هلې ځلې کړندي کړي دي.
د دغو هلو ځولو په دوام د لوګر ولایت خروار ولسوالی چارواکو د امارتي ځمکو د غصب څخه د مخنیوی او استرداد تخنیکي پلاوی په لارښوونه د یادې ولسوالی په ځینو مشکوکو امارتي ځمکو د غصب څخه مخنیوی کړی دی.
د خروار ولسوالی دکرنیزو چوپړونو مدیریت مسؤولین وایي، چې د دغې ولسوالی په ځینو سیمو کې د لوی اختر د رخصتۍ څخه په ګټی اخیستنې خلکو د څاه ګانو کېندلو په پار برمې درولې وې، چې د ګډ پلاوی له لوري یې برمې ړنګې او کارونه یې وځنډول شول.
خروار د لوګر ولایت لیرې پرته ولسوالی ده، چې ډېری ځمکې یې دښتې دي او امارتي بلل کېږي.
باید وویل شي، چې د لوګر ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
