ننګرهار کې یوشمېر کب روزونکي روزل کېږي
۳۱ غبرګولی ۱۴۰۲ه.ش
۳ ذیالحِجّة ۱۴۴۴ ه.ق
د ننګرهار د کرنې، اوبولګولو او مالدارۍ ریاست په هڅو د افغان هوساينې خيريه بنسټ له لوري د کارپ کبانو ۱۲ تنه فارم لرونکو ته د کبانو روزنې، د فارم ښه مدیریت او د کبانو د تغذیې برخه کې پنځه ورځینۍ روزنیز پروګرام پیل شو.
د ننګرهار دکرنې ریاست چارواکي وايي چې د ننګرهار، کونړ، لغمان، کندهار، لوګر، خوست او کابل ولایتونو څخه ۱۲ تنه د کارپ کبانو روزونکو په دغه پروګرام کې ګډون کړی دي.
ددې روزنیز پروګرام په ترڅ کې به یاد کب روزونکو ته دکارپ کبانو روزنې په موخه عملي او نظري زده کړې ورکړل شي، چې له مخی به يي هر يو فارم لرونکي وکولای شي، چې خپل ولایت کې هېوادوالو ته د کبانو برخه کې ښه خدمات وړاندې کړي.
