د پکتیا ولایت د غصب مخنیوي او غصب شویو ځمکو د تشخیص او تثبیت تخنیکي پلاوي غونډه

د پکتیا ولایت د غصب مخنیوي او غصب شویو ځمکو د تشخیص او تثبیت تخنیکي پلاوي اونیزه کاري غونډه تر سره کړه.
یاده غونډه، چې د پکتیا ولایت د احکامو او فرامینو د تعقیب او نظارت ریاست کې جوړه شوې وه پکې د غصب د مخنیوي او غصب شویو ځمکو د تشخیص او تثبیت تخنیکي پلاوی غړو ګډون درلود.
په دې غونډه کې د پکتیا نوی ښاروال د پکتیا ولایت د غصب مخنیوي او غصب شویو ځمکو د تشخیص او تثبیت تخنیکی پلاوي رییس مولوي عبدالرؤف سعید لخوا تخنیکي پلاوی ته وروپېژندل شو او همدارنګه نوي ښاروال ته د تخنیکي پلاوی د مقررې مطابق د تخنیکي پلاوی د صلاحیتونو او مسؤلیتونو اړوند معلومات ورکړل شول.
د تخنیکي پلاوی سکرتر مولوي عبدالجلیل شاکر د تېرې اوونۍ د کاري پلان مطابق د ترسره شویو اجرااتو او تر لاسه شوو پایلو اړوند معلومات او راپور وړاندې کړ.
ورپسې تخنیکي پلاوي د زعفران خېلو قوم استازو سره ددوی د متصرفه ځمکې اړوند د لمړنیو املاکي تحقیقاتو په پار لیدنه وکړه او همدارنګه د زرمت ولسوالی اړوند قومونو استازو ته د املاکي څېړنو اړوند استعلامونه ورکړل شول.
همدارنګه تخنیکي پلاوی هغه اسناد چې د تېرو املاکي څېړنو په لړ کې وړاندې شوي وو مطالعه کړل او همدارنګه د تخنیکي پلاوی په عنوان رارسېدلي مکتوبونه او عرایض د کتنې ورسته احکام شول او په راتلونکي کې به تر اجرااتو لاندې ونیول شي.