هلمند کې لسګونو کروندګرو سره د جوارو تخم او کیمیاوي سرو مرسته وشوه
د هلمند ولایت کرنې، اوبولګولو او مالدارۍ ریاست تر چتر لاندې د (DACAAR) مؤسسې له لورې د دې ولایت مرکز لشکرګاه اړوند بولان سیمې ۳۰ او سرکار سیمې ۶۰ تنه کروندګرو سره د جوارو اصلاح شوي تخمونو او کيمياوي سرو مرسته وشوه.
ددې مرستې په لړ کې هر بزګر ته ۲۴ کیلو ګرامه د جوارو اصلاح سوی تخم ، ۵۰ کیلوګرامه توره، ۱۰۰ کیلو ګرامه سپینه سره او ۲۰۰ ګرامه اناکولین درمل ورکړل شوي دي.
د یادونې وړ ده چې یادو بزګرو ته د ښې کرکېلې په اړه عامه پوهاوی هم ورکول شوی دی.
ددې مرستې موخه د بېوزله بزګرانو ملاتړ او په ټوله کې په دې ولایت کې د جارو کرکیلي ترویج او د حاصلاتو ډېروالی دی.
