د ننګرهار دکرنې ریاست: دولسوالیو لسګونه کارکوونکي وروزل شول

د ننګرهار د کرنې، اوبولګولو او مالدارۍ ریاست اړوند د ۲۲ ولسوالیو ۷۰ تنه کارکوونکي روزل شوي دي.
د ننګرهار دکرنې ریاست وایي، چې ددې ولایت د ۲۲ ولسوالیو ۷۰ تنه کارکوونکو د وړتیا لوړولو په پار یوه روځنۍ روزنیز پروګرام په لاره اچول شوې وه.
 د پروګرام په پیل کې د ننګرهار دکرنې، اوبولګولو او مالدارۍ رییس مولوی عبدالستار محمد د ۲۲ ولسوالیو کارمندانو ته په کارونو کې د شفافیت، بزګرانو او مالدارانو ته ښه خدمات وړاندې کولو، ولسونو سره د ښه سلوک کولو، خپل صورت او سیرت په نبوی سنتو برابرولو او د حاضري پابندۍ برخه کې لازمی سپارښتنې وکړې. 
د یادونې وړ ده، چې په روزنیز پروګرام کې ګډونوالو ته د جنسونو محاسبې مختلفې کړنلارې، د فورمونو ترتیب، قیدیت، توزیع، مجرائي او د جنسونو حفاظت او په سمه توګه ترې استفاده کولو برخه کې د پریزنتیشن په شکل معلومات ورکړل شول.