د ننګرهار کانال رییس: د کانال ځمکو غصب کوونکو سره قانوني چلند کېږي

۸ غبرګولی ۱۴۰۲ه‍.ش
۹ ذو القعدة ۱۴۴۴ ه‍.ق
د ننګرهار کانال ریاست چارواکي وایي، چې د یاد کانال اړوند د نهرسراج «ځنګل بڼ او سرخ آب» سیمو کې په خپل سر او غیر قانوني بڼه جوړ شویو ۵۹ کورونو او کار وباري سیمو سره به قانوني چلند ووشي.
 د ننګرهار کانال رییس مولوی غلام الرحمن کظیم وویل: «د ننګرهارکانال شرکت په ځمکه د نهر سراج ( سره رود دولاري نه پېل تر ځنګل باغ او سرخ اب پله پورې) چې شاوخوا دوه نیم کیلومتره سیمه په برکې نېسې او په دې ځمکه ۵۹ کورونه او کاروباري سیمې جوړ شوي او یاده ځمکه يې پخپلسر تصرف کړی، ورسره به قانوني چلند ترسره شي.»
ښاغلی کظیم وویل: «د کانال نقشه د کانال لپآره ارزښتمن سند دی، په دې نقشه کې د کانال ملکیتونه او سیمې معلومې دي، نو هر چا چې د کانال ملکیت پخپل سر تصرف کړې وي ورسره سم به قانوني چلند ترسره شي، همدارنګه مونږ د کانال اړوندو ځمکو کې د غصب مخنیوی او غصب شویو ځمکو د بېرته را ګرځولو په پار هلې ځلې کړندۍ کېږي.»
د ننګرهار کانال رییس مولوی غلام الرحمن کظیم وویل، چې دیاد ریاست د املاکو امریت، ساختمان امریت، حفظ اومراقبت امریت او د اړونده فارم د استازي په ګډون د غصب او خپلسریو مخنیوی په موخه يې یوه ګده کمېټه جوړه کړې، چې د کانال په ځمکو د خپلسریو او غصب محنېوی وکړي او راپور له دوی سره شریک کړي. 
د ویلو ده چې د ننګرهارکانال شاوخوا ۴۵۰۰ جریبه ځمکه غصب ده او له ډیره ښه مرغه  په تېرشاوخوا یوه کال کې کابو ۱۵۰۰ جریبه د کانال ځمکه د غاصبینو له منګلو خلاصه شوې، چې اوس پرې بېلابېل رغنیز او نورې پروژې او کرنیز کارونه روان دي .