هلمند کې د ځمکې غصب مخنیوی او غصب شويو ځمکو بېرته راکرځولو تخنیکي کمېټې غونډه دائره شوه
۱ غبرګولی ۱۴۰۲ه.ش
۲ ذو القعدة ۱۴۴۴ ه.ق
د هلمند ولایت دځمکو د غصب مخنيوي او غصب شویو ځمکو بېرته راګرځولو تخنیکي پلاوي د یاد پلاوي رییس مولوي نظر محمد صدیقي په مشرۍ غونډه دائره کړه.
په یاده ناسته کې د لښکرګاه ښاروال مولوي عبدالله روحاني، د هلمند ولایت د عدلیې رییس مولوي محمد محمدي ، مستوفي ملا حمیدالله رابط ، کور او ښار جوړولو چارو رییس مولوي نیک محمد معتصم، قضایای ام ا رت آمر مولوي عبدالقاهر عاصم ، د کار او ټولنیزو چارو رییس مولوي رحیم الله مخلص، او نورو غړو هم حضور درلود.
په دې غونډه کې د هلمند د کرنې ریاست اړوند څېړنیز فارم غصب شوې ځمکې، د زړې کلا په سیمه کې د ٨.٥ جریبه قبالیي ځمکې، د ځنګلونو او څړځایونو د غصب شویو ځمکو، د بولان پله ته څېرمه ٢٥٠ جریبه ځمکې، مارجې ولسوالی کې د تصدي فارم ٧٥٠٠ جریبه ځمکې، د غازي محمد ایوب خان ښارګوټي کې شخصي او ام.ارتي ځمکې په نښه کولو او د ام. ارتي ادارو اړوند غصب شوو ځمکو د خلاصولو په موخه لازم اجرائت او تصامیم ونیول شول.
ددې تر څنګ تخنیکي پلاوی د ادې باغ په سیمه کې د افرادو او اشخاصو ترمنځ په یوه اندازه ام.ارتي ځمکې رامنځته شوې دعوی په هر اړخیزه توګه وڅېړل، اړونده لوریو ته یې لازمې سپارښتنې او ترتیب شوي پوښتنلیکونه ورکول شول.
ورپسې یاد تخنیکي پلاوی لخوا د انفرادي اشخاصو پر راجع شویو عرایضو غور وشو او د لسګونو مراجعینو ستونزې او غوښتنې په مخامخ ډول واورېدل شول.
