ننګرهار کې د څارویو د مسلخونو او قصابانو د څارنې په موخه د همغږۍ غونډه دائره شوه
۱۷ غویی ۱۴۰۲ه.ش
۱۷ شَوّال المُکَرَّم ۱۴۴۴ ه.ق
د ننګرهار د کرنې، اوبولګولو او مالدارۍ رییس مولوی عبدالستار محمد د خپل کار په دفتر کې د ښاروالۍ ریاست یو شمېر چارواکو سره په ښار کې د څآرویو د مسلخونو او قصابانو څخه د څارنې او نظارت په موخه ناسته ترسره کړه.
ناسته کې د ښاریانو د روغتیا د تامین پخاطر پرېکړه وشوه، چې د ننګرهار د کرنې ریاست د حیوانې محصولاتو مسؤل د ښاروالۍ د مسؤلینو سره یو ځای هره ورځ مسلخونه او د قصابانو حلاله معاینه او بیا د پلور اجازه ورکړي.
ورته مهال د ښاروالۍ د ښارې املاکاتو د تثبیت په برخه کې د کرنې ریاست څخه د همکارۍ غوښتنه وشوه، چې د ننګرهار دکرنې رییس لخوا ورته د هر راز همکارۍ ډاډ ورکړ شو.
