د کرنې وزارت په اوړني کرنیز نندارتون کې د سوداګرانو لیده کاته
۱۶ زمری ۱۳۹۸
دکرنې، ابولګولو او مالدارۍ وزارت له خوا پرون سه شنبې د کرنیزو محصولاتو لومړنۍ اوړني نندارتون د کابل په بادام باغ کې په لاره واچول شوه. په دې نندارتون کې د بزګرانو او تولیدوونکو محصولاتو ته د بازارموندنې په پار هلې ځلې کیږي. د دغو هلو ځلو په ترڅ کې نن د نندارتون په دویمه ورځ د دولت سره د سوداګرو لیده کاته «B-to-G» او سوداګر سره د سوداګر لیده کاته «B-to-B»غونډه د بادام باغ د نندارتون په تالار کې په لاره واچول شوه. په دې غونډه کې د بېلابېلو موسسو او نهادونو استازي، سوداګر، بزګران، صنعتکارې ښځې او د کرنیزو پورونو د ورکړې د بانک استازي ګډون درلود.
په دې غونډه کې پر متقابلو همکاریو خبرې وشوې. ددې غونډې موخه د سوداګرو او تولیدوونکو ترمنځ هوکړه لیکونو لاسلیک ته زمینې بربرول او د بزګرانو او تولیدوونکو محصولاتو ته بازارموندنه ده.
