د هېواد د خپلوکۍ د بیا ترلاسه کولو په ویاړ د کرنیزو محصولاتو لومړنۍ اوړني نندارتون د درې ورځور لپاره د کابل په بادام باغ کې پرانیستل شوه

content_admin
چهارشنبه ۱۳۹۸/۵/۱۶ - ۱۳:۱۳
 د هېواد د خپلوکۍ د بیا ترلاسه کولو په ویاړ د کرنیزو محصولاتو لومړنۍ اوړني نندارتون د درې ورځور لپاره د کابل په بادام باغ کې پرانیستل شوه

۱۵ زمری ۱۳۹۸
د کرنې، اوبولګولو او مالدارۍ وزارت د هېواد د خپلواکۍ د سلمې کلیزې په درشل کې لومړنۍ اوړني کرنیز نندارتون پرانیست.
دغه نندارتون چې، د کابل د بادام باغ په څېړنیز فارم کې په لاره اچول شوې ده، په کې بزګران او د مالدارۍ او کرنیزو محصولاتو تولیدوونکي خپل توکي د درېوو ورځو لپاره نندارې ته اېښي دي.
ددې نندارتون په پرانست غونډه کې د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري وویل، ترڅو چې اقتصادي خپلواکۍ ته ونه رسېږو سیاسي خپلواکۍ ته لاس رسی ناشونې ده. ښاغلی غفوري وویل، چې کرنه د هر هېواد تر ټولو مهم سکټور دی، چې له هېوادونو سره د سیاسي خپلواکۍ د رسېدو په برخه کې مرسته کوی. هغه وایي: «په ټوله نړۍ کې اقتصادي خپلواکۍ د سیاسي خپلواکۍ اساس او ملاتړی دی. د افغانستان پرمختګ غوښتونکی پاچا، امان الله سل کاله مخمې د هېواد بهرنۍ سیاست خپلواک کړ. وروسته روزنې او پالنې برخې ته ځانکړې پاملرنه وکړه.»
د کرنې وزارت د اوبولګولو او طبیعي سرچینو مرستیال زیاته کړه، چې یاد وزارت د افغانستان د اقتصاد د پیاوړتیا او اقتصادي خپلواکۍ ته د رسېدو په پار ډېرې هلې ځلې کړي دي. هغه وویل د حیواني او کرنیزو محصولاتو معیاري کول او دغه راز ددغو محصولاتو معیاري صادرول اصلي او اساسي ګامونه دي، چې د کرنې وزارت له خوا پورته شوي دي. د ښاغلي غفوري په خبره، د خوړو خوندیتوب په پار د مالدارۍ برخې ته پاملرنه، د کرنیزو اوبو مدیریت، د کرنیزو توکو د معیاري پروسس او تولید په پار یوشمېر فابریکې جوړول او دغه راز محصولاتو ته د بازارموندنې په پار په کور دننه او بهر بېلابېل نندارتونونه په لاره اچول، په هېواد کې اقتصادي خپلواکۍ ته درسېدو په پار دکرنې وزارت نور مهمې کړنې دي. هغه وویل، چې کال په کال حیواني او کرنیز محصولات په زیاتېدودي او ویل کیږي، چې دتېر کال په پرتله به سږ کال د مېوو د بڼونو حاصلات کابو ۳۰ سلنه زیاتوالی ولري.
په همدې حال کې د کرنې وزارت د خصوصي سکټور د پراختیا رییس حبیب الله حبیبي هم په هېواد کې سیاسي خپلواکۍ ته درسېدو په پار پر اقتصاي خپلواکۍ ټینګار وکړ او ویي ویل، په لومړني اوړني کرنیز نندارتون کې چې، د هېواد د خپلواکۍ د سلمې کلیزې په درشل کې په لاره اچول شوې ده، له ټولو ولایتونو څخه کرنیز او حیواني محصولات په ۲۳۰ غرفو کې نندارې ته اېښودل شوي دي. هغه وویل، چې په ۱۶۹ غرفو کې کرنیز او حیواني محصولات او په ۶۱ غرفوکې د مېرمنو لاسي صنایع نندارې ته وړاندې شوي دي.
ښاغلی حبیبي وایي، چې ورته نندارتونونه جوړول د محصولاتو د زیاتوالی او د بزګرانو او د حیواني او کرنیزو محصولاتو د تولیدوونکو د کاروبار د غوړېدا لامل کیږي.
دغه راز د پکتیا ولایت یوتن بزګر حاجي عبدالودود د د بزګرانو د محصولاتو زیاتوالي او دغه راز د دوی اقتصادي ودې ښه کولو په پرخه کې د کرنې وزارت کړنې وستایل او مننه یې کړه. هغه وویل، چې د بزګرانو او مالدارانو د ملاتړ په پار نور کار ته هم اړتیا شته چې باید ووشي. حاجي عبدالودود وویل، چې کال په کال د کرکېلي او ځنګلونو سیمې په ډېرېدو دي، چې نن د بزګرانو تولید د هېواد بازارونه ډک کړي دي. هغه همداراز وویل، چې د اوبو کموالی او د مارکېټ نه شتون بزګرانو ته ستونزې ولاړې کړي دي. هغه د کرنې له وزارت او نورو مسوولو چارواکو څخه غوښتنه وکړه، چې د اوبو د بندونو جوړولو او د باران د اوبو د زېرمه کولو په برخه کې دې کوټلي ګامونه پورته کړي.

خبرهای تازه

سه‌شنبه ۱۴۰۴/۷/۱۵ - ۱۴:۳
Background image

آغاز توزیع تخم بذری گندم و کود کیمیاوی در ولسوالی درایم بدخشان

۱۵ میزان ۱۴۰۴ هـ.ش
به هدف بهبود حاصلات گندم و تأمین امنیت غذایی، کمپاین کشت خزانی گندم در ولسوالی درایم ولایت بدخشان آغاز گردید. این برنامه از سوی ریاست زراعت، آبیاری و مالداری بدخشان. . .

سه‌شنبه ۱۴۰۴/۷/۱۵ - ۱۴:۱
Background image

بررسی نُه پایه آنتن مخابراتی در ولسوالی درزاب ولایت جوزجان

۱۵ میزان ۱۴۰۴ هـ.ش
به اساس هدایت وزارت زراعت، آبیاری و مالداری هیأتی متشکل از نمایندگان مقام ولایت جوزجان، اداره استخبارات و آمریت تخنیکی امور زمینداری از بخش‌های تصفیه و کدستر، از ۹. . .

سه‌شنبه ۱۴۰۴/۷/۱۵ - ۱۳:۵۸
Background image

توزیع وسایل کشت زعفران برای دهقانان در ولسوالی دهدادی بلخ

۱۵ میزان ۱۴۰۴ هـ.ش
در ولسوالی دهدادی ولایت بلخ برای ۵۳ تن از دهقانان زعفران‌کار وسایل زراعتی مربوط به کشت و پروسس زعفران توزیع گردید.
به اساس معلومات ریاست زراعت، آبیاری و مالداری بلخ،. . .

بازگشت به خبرها