لوګر کې دڅارویو د روغتیایي خدمتونو کارکوونکو ته روزنه ورکړل شوه
۱۵ وری ۱۴۰۲ه.ش
۱۳ رَمَضانُ المُبارَک ۱۴۴۴ ه.ق
دلوګر ولایت د کرنې، اوبولګولو او مالدارۍ ریاست د مالدارۍڅانګې دڅارویو د روغتیایي خدمتونو دوړاندې کوونکو لپاره دغواګانو دمصنوعي القاح اړونده روزنیز پروګرام جوړ شوی.
د پروګرام پیل غونډه کې دلوګر دکرنې او مالدارۍ رييس سربېره د مالداری څانګې آمر، د مرکز پل علم اوشپږو ولسوالیو دڅارویو د روغتیایي خدمتونو کارکوونکو اود خالد حیواني اوتشخیصیه کلینیک مسؤولینو ګډون کړی وو.
د لوګر د کرنې رييس دخبرو په لړکې له ګډونوالو وغوښتل ترڅو دڅارویو لرونکو لاسنیوی وکړي او په خپله څانګه کې ورته لازمې اسانتیاوې برابرې کړې، د مالدارۍ څانګې آمر د روغتیایي خدمتونو کارونکوته زیاته کړه چې مصنوعی القاح ته وده ورکړی او په کلیو او بانډو کې یې مروج کړئ.
له دغه روزنیز جوړ شوی پروګرام څخه موخه زیات تولید لاسته راوړل او د اقتصادي کچې لوړوالۍ ښودل شوی دی.
