اروزګان کې د امارتي ځمکې د غصب مخه ونیول شوه
۸ وری ۱۴۰۲ه.ش
۶ رَمَضانُ المُبارَک ۱۴۴۴ ه.ق
د اروزګان دکرنې، اوبولګولو او مالدارۍ ریاست وایي، چې ددې ولایت د دهراود ولسوالی اړوند د سواباد امارتي دښته کې د ۴۰ جریبه امارتي ځمکې د غصب مخه نیول شوی دی.
د چارواکو په خبره د اروزګان ولایت د دهراود ولسوالی د سواباد دښته چې یوه دولتي دښته ده یوشمېر کسانو غوښتل، چې ددې دښتې نږدې ۴۰ جریبه ځمکه غصب کړي، چې د دهراود ولسوالی د کرنې مدیریت کارکوونکو له خوا یې مخه نیول شوی دی.
باید وویل شي، چې د اروزګان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
