لغمان کې د بزګرانو پر شپږو ټولنو کرنیز وسایل ووېشل شول
د لغمان دکرنې، اوبولګولو او مالدارۍ ریاست د خوړو نړیوال پروګرام «WFP» په مالي او د افغانستان د راتلونکو نسلونو «FGA» مؤسسې په تخنیکي همکارۍ ددې ولایت د مرکز مهترلام د بزګرانو پر شپږو ټولنو ۴۸۰ ونډه کرنیز وسایل وېشلي دي.
په دغو وېشل شویو توکو کې بېلچې، ابپاش، کلنګې، لاسي کراچۍ، لورونه او د ځمکې هوارولو لپاره کشې شامل دي.
د یادو توکو په وېش غونډه کې د لغمان دکرنې، اوبولګولو اومالدارۍ رییس الحاج مولوي محمد ولي محسن او ددې ریاست دکرنیزو چارو امر انجینر بریالي همدرد او یوشمېر نورو سیمه ییزو چارواکو شتون درلود.
ددې مرستې موخه د بزګرانو ملاتړ او د کرنې میکانیزه کول دی.
