فراه کې د ځمکې غصب مخنیوی او د غصب شویو ځمکو د بېرته راګرځولو تخنیکي پلاوي غونډه دائره شوه
فراه کې د ځمکې غصب مخنیوی او د غصب شویو ځمکو د بېرته راګرځولو تخنیکي پلاوي خپله اوونیزه غونډه د یادې کمیټې د رییس الحاج مولوی عبدالمؤمن فیصل په مشرۍ جوړه کړه.
دغه غونډه د فراه ولایت د کرنې ریاست په مقام کې جوړه شوې وه او پر بېلابېلو موضوعاتو خبرې اترې وشوې.
په دې غونډه کې د فراه ولایت د قلعه کاه اړوند د ګله جوی موضوع، د فراه ولایت د بالابلوک ولسوالی اړوند د پوزي لنګر اړوند سیمې موضوع، د فراه ولایت د بکوا ولسوالی اړوند د هزرآباد، د فراه ولایت مرکز اړوند د غلامان، ریګي او خواجه احمد سیمې اړونده موضوع او د فراه ولایت د انار درې ولسوالی د تېغ اب کاریز پرموضوعاتو خبرې اترې وشوې.
باید وویل شي، چې د فراه ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
