کندهار کې له همکارو برنامو سره سکټوري غونډه ترسره شوه

د کندهار د کرنې، اوبولګولو او مالدارۍ رياست وایي، چې ددې ریاست اړوند له همکارو برنامو سره سکټوري غونډه، دکندهارد کرنې رییس مولوی محمود مظلوم په مشرۍ دائره شوه.
په دې غونډه کې د کندهار دکرنې رياست چارواکو سبېره د (DCA)،( CHA/WFP)،( DAI-CROPS)،( KRO)،(ADA)،( FAO) مسولو چارواکو ګډون کړی وو.
د‌ غونډې په پيل کې د کندهار دکرنې رییس مولوی محمود مظلوم ګډونوالو ته د ښه راغلاست ترڅنګ د همکارو برنامو د تېرو کړنو راپور او راتلونکې پلانونه واورېدل، دوی د همکارو مؤسسو له چارواکو وغوښتل، چې همغږۍ، دوه اړخيزې همکارۍ، د ښو چوپړتیاوو وړاندې کولو، اطاعت، د لارښوونو تعقيب او ټولو سيمو لاسرسی ته جدي پاملرنه وکړي.
ښاغلی مظلوم د همکارو مؤسسو چارواکو ته وویل، چې په راتلونکې کې باید خپل فعالیتونه دکندهار ولایت لرو پرتو سیمو او ولسوالیو کې پلي کړي، باید دقیقه سروې ووشي، چې مستحق کسان په ګوته او مرسته ورسره ووشي او د ټولو کړنو راپور دې دکرنې ریاست سره شریک شي.
په همدې حال کې، د همکارو برنامو چارواکو په خپل وار سره په ۲۰۲۲ ام کال کې د خپلو ترسره شويو کړنو مفصل راپور وړاندې کړل او ورپسې يې د ۲۰۲۳ ام کال په پلانونو رڼا واچوله.
د غونډې په پای کې د کندهار دکرنې ریاست چارواکو د همکارو برنامو مسولينو ته د پروژو د ښه تطبیق او ستونزو د حل په موخه لازمې لارښوونې هم وکړې.