د پروان بګرام کې څه باندې ۳۷۴ جریبه ځمکه حکومتي تثبیت شوه
۲۶ مرغومې ۱۴۰۱ه.ش
۲۳ جُمادیَ الثّاني ۱۴۴۴ ه.ق
د پروان دکرنې، اوبولګولو او مالدارۍ ریاست وایي، چې ددې ولایت د ځمکې غصب مخنیوی او غصب شویو ځمکو د بېرته راګرځولو کمېټې له خوا د بګرام ولسوالی په دویمه برخه اوله ګرارۍ کې ۳۷۴.۶۷ جریبه ځمکه حکومتي ځمکه تثبیت کړه.
د چارواکو په خبره د پروان ولایت د بګرام ولسوالی په دویمه برخه کې د ګاډي قوم په یاده امارتي ځمکه چې د قطعې نمبر یې ۱۸ـــ۱۴ ۱۸ــ۱۶ وه ولکه ټینګه کړې وه، چې پکې کورنو او کرنیزې ځمکې جوړې شوې وې چې پکې ۱۹۵.۱۷ جریبه امارتي ځمکه غصب شوې وه.
دغه راز په همدې سیمه کې بل ځای بیا نکاح خېل، ګرن شاخ قومونو دوغ آباد سیمه کې د لسو قطعو ۱۲۳.۸۷ جریبه ځمکه هم غصب شوې وه چې پکې کورونه او کرنیزې ځمکې جوړې شوې وې.
باید وویل شي، چې د ځمکو د غصب د مخنيوي کميټې تر دې دمه د پروان په ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
