خوست کې د ځمکې د غصب مخنیوی او غصب شویو ځمکو د بېرته را ګرځولو په پار هلې ځلې 

۲۲ مرغومې ۱۴۰۱ه‍.ش
۱۹ جُمادیَ الثّاني ۱۴۴۴ ه‍.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه  او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې ورځې په ځينو مهمو موضوعاتو باندې مفصلې خبرې وشوې.
وروسته دخوست ښار اړوند د شنو سیمو له پاتي غاصبینو سره ناسته او د هغوي اسناد او دلايل او خبري واوريدل شول.
دغه راز د سحرا باغ اړوندو سیمو د پرون ورځ راغلو خلکو څخه اسناد واخیستل شول، چې بررسي او څېړلو وروسته به لازم تصميم ونيول شي. همداراز دحج اوقافو رياست په غوښتنه او د هغوي اړوند د ۴۱۰ جريبه هديرې، چې د ټولو خوست ميشتو لپاره په استراتیژیک پلان کې ورته ځای په نښه شوي وو له نژدي وکتل شو. 
دغه راز په دې غونډه کې اړوندو چارواکو د چارو د لا ښه پرمختګ په پار خپل نظرونه وړاندې کړل.