خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي هڅې

خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه  او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې ورځې په ځينو مهمو موضوعاتو باندې مفصلې خبرې وشوې.
د تخنیکي پلاوی یو ګروپ د خوست ښار په غربي سیمه کې د تفصيلي پلان له مخې هغه غصب شوي شنې سیمې چې د خلکو لخوا غصب شوي دي په سور رنګ سره نښه شوه او غاصبين يې راتلونکي غونډې ته د اسنادو سره يو ځاى را وغوښتل شول.
دغه راز د تخنیکي پلاوی بل ګروپ د د خوست مرکز اړوند متون قومي مشرانو سره د هغه سیمې د اسنادو په اړه خبرې وکړې چې د متون خلکو او ملي اردو تاسيساتو امريت تر منځ پرې دعوى موجود ده، په همدې ترتيب تخنيکي پلاوی د خلبسات قومي مشرانو سره د هغه ستونزې په مورد چې د خلبسات او باک نار کلي خلکو تر منځ د دارالمعلمين جوړولو پر سر  رامنځ ته شوي ده بحٿ وکړ او دوى ته ډاډ ورکړل شو چې ذکرشوي ستونزې ته به مناسبه شرعي حل لار پيداکړي.
دغه راز په دې غونډه کې اړوندو چارواکو د چارو د لا ښه پرمختګ په پار خپل نظرونه وړاندې کړل.