خوست کې یوشمېرکرنیزې پروژې ګټې اخیستنې ته وسپارل شول

د خوست دکرنې، اوبولګولو او مالدارۍ ریاست وایي، چې د (NCA) په مالي او  د افغان پرمختیایي مؤسسې (ADA) په تخنیکي همکارۍ په دې ولایت کې د اقتصادي پیاوړتیا تر عنوان لاندې په درو برخو کې مهمې او ګټورې پروژې پلي او ګټې اخیستنې ته وسپارل شول.
 په دې اړه جوړه شوې غونډه کې د خوست دکرنې رییس قاري عبدالصمد محمدي، د یادو مؤسسو استازو، د خوست یوشمېر سیمه ییزو چارواکو او مخورو ګډون درلود.
د خوست دکرنې رییس قاري عبدالصمد محمدي وویل، چې په دغو پروژو کې د کبانو څلور فارمونه، د شاتو مچیو پنځه فارمونه او دوه شنې خونې شامل دي. دغه راز د خوست مرکز لکڼ د ګوډاخارې کلي سربند او ورخونه د ۷۵ مترو په اوږدوالي سره په اساسي ډول جوړ او ګټې اخیستنې ته وسپارل شول له یادی سربند نه د ۲۵۰۰ جریبه نه زیاته ځمکه خړوبېږي. همداراز د اسماعیل خیلو مندوزیو واړه شبي خیلو په کلي کې  دوه ورخونه په اساسي ډول جوړ او ګټې اخیستنې ته وسپارل شول یاده پروژه ۸۰۰ جریبه ځمکی خړوبوی او ترڅنګ یېد اسماعیل خیلو مندوزیو د حمیدالله حسن زي په کلي کې یو محافظتي دیوال د ۵۶ مترو په اوږدوالی د ۲.۱۰ دوه متره او لس سانتی مترو په لوړوالي سره په اساسي ډول جوړ او ګټې اخیستنې ته وسپارل شول یاده پروژه د ۵۵۰ جریبه ځمکه د تخریب مخه نیسي.
ددغو پروژو د پلي کولو موخه په دې ولایت کې د کرنې او مالدارۍ سکټور ته پراختیا ورکول او خلکو ته دکار زمینه برابرول دی.