خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي کړنې
۷ مرغومې ۱۴۰۱ه.ش
۴ جُمادیَ الثّاني ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
په دې غونډه کې د خوست ولایت د صبریو ولسوالی کې د ۳۰۵جريبه امارتي ځمکو د اړونده ولسوالی د ښاروالۍ امريت سره د قرارداد په مورد بحٿ وشو او په ارتباط يې لازم تصميم ونيول شو.
دغه راز د خوست ښار مربوط د حمام مارکيټ له دوکاندارانو سره تفصيلي بحٿ وشو او لازم تصميم ونيول شو چې ډير ژر به عملي شي. په همدې حال کې د خيال بدين نومي شخص د ۴۲۰ جريبه تبادله شوي ځمکې په اړه هم خبرې اترې وشوې.
همداراز د خوست مرکز مربوط د کاروان سراى په سیمه کې د شپږ جريبي د خاوندانو سره تر بحٿ وروسته نوموړي موضوع هم د غصب د مخنيوي او غصب شوو ځمکو د استرداد کميسيون له مشرتابه سره شريکه شوه او د موضوع په ارتباط هدايت ترې واخيستل شو.
دغه راز په دې غونډه کې اړوندو چارواکو د چارو د لا ښه پرمختګ په پار خپل نظرونه وړاندې کړل.
