لوګر کې د غصب مخنیوی او غصب شویو ځمکو د بېرته راګرځولو کمېټې چارې کړندی شوي
۱۹ لېندۍ ۱۴۰۱ه.ش
۱۶ جمادي اﻷول ۱۴۴۴ ه.ق
د لوګر ولایت د غصب مخنیوی او غصب شویو ځمکو د بېرته راګرځولو تخنیکي ټیم د غصب شویو ځمکو اړوند اتمه غونډه دائره کړه.ددې غونډې په ترڅ کې د دغه ولایت د غصب مخنیوی او غصب شویو ځمکو د بېرته راګرځولو کمېټې غړو په داسې حال کې، چې چی د کمېټې رییس مولوی سیدامین هاشمي یې مشري کوله د برکې برک ولسوالی اړوند خاکي او چهلتن دښتو څخه لیدنه وکړه او دیادو دښتو کادستري نقشې یې وڅېړل.
د دغه سفر په لړ کې په یادو سیمو کې درې قطعې دولتي ځمکې تشخیص او تثبیت شوه چې ټول ټال ۱۹۰۰۴ جریبو ته رسېږي.، دیادولو وړ ده چې دغه تثبیت شوې ځمکه ټوله دولتي وه ، دا چې د سیمې خلکو او اوقافو ریاست په دویمه قطعه ځمکه ادعا درلوده، د ادعا د څېړلو په پار یې سندونه وغوښتل شول تر څو وڅېړل شي.
دا لیدنه په داسې حال کې ترسره شوه، چې د برکي برک ولسوالی ملکي او نظامي مسوولینو، علمای کرام، او قومي مشرانو هم ددغې کمېټې ملتیا کوله.
د سیې خلک د غصب مخنیو او د غصب شویو ځمکو د بېرته راګرځولو کمېټې غړو سره په لیدنه کې خوښي وښودل، او د ملاتړ ترڅنګ یې د کمېټې له غړو وغوښتل، ترڅو عدل په پام کې ونیسې او ټولې دولتي ځمکې وڅېړي.
