لغمان کې د میکانیزه کرکیلې په پار هڅې
۲۸ لړم ۱۴۰۱ه.ش
۲۴ ربیعالثاني ۱۴۴۴ ه.ق
د لغمان دکرنې، اوبولګولو او مالدارۍ ریاست د خوړو نړیوال پروګرام (WFP) په مالي او د (FGA) مؤسسې په تخنیکي همکارۍ ددې ولایت مرکز مهترلام کې د کروندګرو په شپږو ټولنو د غنمو د تخم شیندنې (Wheat Seeder) ۳۳ ماشینونه وېشلي دي.
ددغو ماشینونو په وېش غونډه کې د لغمان دکرنې، اوبولګولو او مالدارۍ رییس الحاج مولوی محمد ولي محسن د خوړو نړیوال پروګرام (WFP) او د (FGA) مؤسسې څخه مننه وکړه، چې د کرنې سکټور د عصري کولو او پراختیا په برخ کې له دوی سره مرستې او همکارۍ کوي. ښاغلی محسن دغه راز کروندګرو ته په خطاب کې وویل، چې له دې ماشینونو څخه به کروندوکې سالمه ګټه پورته کړي.
میکانیزه کرکېله او یا په کرنه کې له عصري ټکنالوژۍ څخه ګټه پورته کول د حاصلاتو د زیاتوالي او د بزګرانو د اقتصادي ودې لامل کېږي.
