دکرنې وزارت د اوبولګولو او طبیعي سرچینو مرستیال د کانال ریاست د کارکوونکو کړنې وستایل

۲۵ لړم ۱۴۰۱ه‍.ش
۲۱ ربیع‌الثاني ۱۴۴۴ ه‍.ق
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال مولوی باز محمدفیضان ننګرهار ولایت ته دخپل سفر په ترڅ کې د ننګرهار کانال ریاست له کارکوونکو سره په لیدنه کې د دوی کړنې او فعالیتونه وستایل.
ښاغلی الحاج مولوی باز محمد فیضان د کانال ریاست کارکوونکو ته وویل: «ستاسې ټولي کړنې او روانې هڅې د قدر او ستاېنې وړ دي.» هغه دغه راز د چارو د لاښه پرمختګ په موخه اړوندو چارواکو ته لازمې لارښوونې وکړې.
دغه راز د کانال ریاست له کارکوونکو سره تر ناستې وروسته د کرنې وزارت د اوبولګولو او طبیعي سرچینو مرستیال الحاج باز محمد فیضان او روسره مل پلاوی د ننګرهار کانال رياست له بېلابېلو برخو له نږدې لېدنه وکړه. 
یاد پلاوی د ننګرهار کانال رياست ټولي چاري مثبتي او ګټوري وبللې او مسوولينو ته يې لازمې لارښووني او سپارښتنې وکړې .
ددې لیدنې په ترڅ کې، دکرنې وزارت دطبیعي سرچينو لوى رییس مولوي عبدالاحد خليل، د مالي او حسابي چارو رییس مولوي ضياالدين واقف، د ځنګلونو دتنظيم رییس محمد امان امانيار، د ننګرهار د کانال رییس  مولوي غلام الرحمن کظیم او یوشمېر نورو چارواکو د کرنې وزارت د اوبولګولو او طبیعي سرچینو مرستیال ملتیا کوله.