ننګرهار کې د امارتي ځمکو د غصب مخه ونیول شوه
۲۲ لړم ۱۴۰۱ه.ش
۱۸ ربیع‌الثاني ۱۴۴۴ ه.ق
د امیرالمومنین حفظه الله د حکم سره سم د ننګرهار د کرنې، اوبولګولو او مالدارۍ ریاست مقام په لارښونه د شېرزادو ولسوالی د کرنې مسؤلینو په پوره هڅو په یاده ولسوالی کې شپږ جریبه ځمکه چې د ځايي اوسیدونکو لخوا د مودو راهسي غصب شوي وه، د غصب څخه خلاصه او اسلامي امارات ته تسلیم شوه.
د ننګرها درکې ریاست د چارواکو په وینا په یاده ولسوالی کې د غصب د مخنیوي په موخه هڅې روانې دي او دغه لړۍ به دوام مومي، او د اماراتي، سلطانې، مرعي او وقفي ځمکو د غصب څخه د بېرته راګرځولو په اړه د امیرالمومنین حفظه الله حکم به پلي کېږي، او هیچاته به اجازه ورنکړو چې اماراتي، سلطانې، مرعي او وقفي ځمکې غصب کړي.
