د ننګرهار د دوو ولسوالیو په ۳۶۲۵ کروندګرو د غنمو اصلاح شويو تخمونو و کیمیاوي سرو د وېش لړۍ پیل شو
۷ لړم ۱۴۰۱ه.ش
۳ ربیعالثانی ۱۴۴۴ ه.ق
د ننګرهار دکرنې، اوبولګولو او مالدارۍ ریاست د ملګرو ملتونو د خوړو او کرنې نړیوالې ادارې (FAO ) په مالي لګښت او د اکشن آیډ مؤسسې په تخنیکي همکارۍ د ننګرهار د کوټ او بټي کوټ ولسوالیو د ترویج مدیریتونو سره په همغږۍ کوټ کې ۱۶۲۵ او بټي کوټ کې ۲۰۰۰ مستحقو بزګرانو ته د غنمو اصلاح شوو تخمونو او کیمیاوي سرو وېش لړۍ پیل کړی دی.
ددې وېش په لړ کې به هره ولسوالی کې هر بزګرته ۵۰ کیلو ګرامه د غنمو اصلاح شوي تخم، ۵۰ کیلوګرامه توره او ۵۰ کیلوګرامه سپینه سره ورکول شي.
د یادونې وړ ده چې ددي تر څنګ به راتلوونکې کې کروندګرو ته د غنمو د کر، اوبخور، تخم او سرې استعمال، د ناروغیو او بې کاره بوټو کنترول په موخه عامه پوهاوي هم ورکړل شي.
