کابل کې د دولتي ځمکو د غصب مخنیوی په پار هڅې
۲۱ تله ۱۴۰۱ه.ش
۱۷ ربیعالاول ۱۴۴۴ ه.ق
د کابل دکرنې، اوبولګولو او مالدارۍ ریاست چارواکي وایي، چې په دې ولایت کې د دولتي ځمکو د غصب مخنیوی په پار یې هلې ځلې ګړندي کړي دي.
دکابل ولایت دکرنې، اوبولګولواومالدارۍ رییس الحاج حافظ شیخ عبیدالله حقاني په مشرۍ شکردرې ولسوالی ته د اماراتو د ځکو د غصب مخنیوي کمېټه ته دامارتي غصب شووځمکودتثبیت، سروې اودغصب څخه دخلاصون په موخه سفر وکړ.
په دې سفر کې د کمیټې غړو د یادې ولسوالی له ولسونو او سپین ږیرو سره وکتل او له هغوی یې وغوښتل چې د امارتي ځمکو د غصب په مخنیوي کې له کمیټې سره تل همکاري وکړي ترڅو غصب شوې ځمکې بېرته دولت ته وسپارل شي.
ددې سفر په ترڅ کې د يادې ولسوالۍ د دانشمند کوه بچه او الغوايي په کليو کې تر څلور زره جريبه زياته ځمکه سروې شوې او د ٤٥ جريبه ځمکې سیمه چې د اوبو څاه په کې کېندل شوې وه هم تخريب او له غصب څخه ازاده شوه.
د ځمکو د غصب د مخنيوي کميټې تر دې دمه په کابل ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
د دولتي ځمکو له غصب سره د مبارزې کمیټه د ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده، چې مشري یې د کرنې ریاست کوي.
