پکتیا کې په ۱۹۴ بزګرانو د بڼوالۍ توکي ووېشل شوې
د پکتیا ولایت د کرنې، اوبولګولو او مالدارۍ ریاست اړوند د سولې ریښې پروژې لخوا د دې ولایت په مرکز ګردیز، احمدآبا، سیدکرم، ځاځي اریوب او زرمت ولسوالیو کې په ۱۹۴ تنو بزګرانو د بڼوالۍ توکي او کیمیاوی سرې وېشل شوي دي.
په دغو وېشل شویو توکو کې، هر بزګر ته ۵۰ کیلو ګرامه سپینه سره، ۲۵ کیلو ګرامه توره سره، یوه دانه د شاخ بري قچي او یوه دانه د شاخ بري اره هم شامل دي.
دیادو توکو په وېش غونډه کې کې د پکتیا د کرنې، اوبولګولو او مالدارۍ رییس الحاج مولوي عبدالرؤف سعید بزګرانو ته د ښه راغلاست ترڅنګ وویل، چې له دې توکو او روزنیزو پروګرامونو څخه په بڼوالۍ کې ښه استفاده وکړي او د سولې ريښې پروژې څخه یې مننه وکړه او د یادې پروژې څخه یې وغوښتل، چې داسې ورته پروګرامونه نورو ولسوالیو ته هم وغځوی.
