کندز کې د رغون انصاف د وریجو د پروسس شرکت څخه لیدنه
۳۰ وږی ۱۴۰۱ه.ش
۲۴صَفَرالمظفّر ۱۴۴۴ ه.ق
د کندز ولایت د کرنې، اوبولګولو او مالدارۍ رییس مولوي امان الله حسن، دکندز د کرنې ریاست کارکوونکو او یوشمېر بزګرانو په ملتیا په دې ولایتک ې د رغون انصاف د وریجو د پروسس شرکت څخه لینده وکړه.
ددې لیدنې په ترڅ کې، لومړی د وریجو د پروسس شرکت مدیر په دي برخه کي معلوماتو ورکړل او ویې، ويل د وريجو د پروسس شرکت په ۱۳۹۹ کال کې تاسیس او په فعالیت یې پیل وکړ چې په کندز ولایت کې د وریجو د پروسس یو له معیاري شرکتونو څخه دی، چې دوه لویې ذخیرې لري.
ياد شوی شرکت د وريجو د پاکولو وسايل لکه د وريجو د پاکولو، رطوبت ورکونکی، تف او بخار ورکونکی، وړه کول په څو پړاوونو کې لري او همدارنګه د مات شوي دانو د درجه بندي کولو په برخه کې دوه پرمختللي ماشينونه لري.
هغه زیاته کړه،: «که وریجې موجودې وي، یاد شرکت به په یوه ورځ کې له ۱۰۰ څخه تر ۱۲۰ مټریک ټنه وریجې پروسس کړي.»
ورپسې د کندز ولایت د کرنې، اوبولګولو او مالدارۍ رییس مولوي امان الله حسن خبرې وکړې, هغه زياته کړه کندوز د هېواد په کچه د وريجو له سترو توليدوونکو ولايتونو څخه دى او ژمنه يې وکړه، چې د موسساتو او د کرنې وزارت له مسوولينو سره په همغږۍ به يې د ودې او بازار موندنې په برخه کې له ياد شرکت سره همکاري وکړي.
