د ننګرهار دکرنې ریاست: د عوایدو د کچې لوړولو په موخه غونډه ترسره شوه
د کرنې، اوبولګولو او مالدارۍ وزارت د مالي او حسابي چارو رییس مولوی ضیاءالدین واقف، چې د یاد ریاست د عوایدو امر او د مصارفو امر یې ملتیا کوله د ننګرهار د کرنې ریاست په مقر کې د دي ریاست له رییس مولوی عبدالستار محمد او د وادي کرنیز شرکت له رییس مولوی غلام الرحمن کظیم سره ناسته ترسره کړه.
په دې ناسته کې مولوی ضیاءالدین واقف د وادي کرنیز شرکت په عوایدو او مصارفو بحث وکړو، چې د وادي کرنیز شرکت رییس مولوی غلام الرحمن کظیم د خپل ریاست اړوند فعالیتونو، لاسته راوړنو، عوایدو او مصارفو په اړه هراړخیز معلومات د مالي او حسابي چارو له رییس سره شریک کړل.
ښاغلی واقف د دواړو ریاستونو د عوایدو په شفافه توګه په را ټولولو ټینګار وکړ او زیاته کړه، چې باید کوشش وشي تر څو په اړونده ریاستونو کې د عوایدو راټولولو کچه لوړه او د مصارفو کچه ټیټه شي.
