هلمند:د ناوې ولسوالی سېلاب ځپلو سیمو څخه لیدنه ترسره شوه
۱۳ وږی ۱۴۰۱ه.ش
۷ صَفَرالمظفّر ۱۴۴۴ ه.ق
د هلمند دکرنې، اوبولګولو او مالدارۍ ریاست وایي، چې څو ورځې مخکې د ارغنداب سیند د هلمند دسیند سره ګډ شو چې له امله يې دناوې ولسوالی اړوند دسرخدز دپایګاو او ټوبي دسېمو په سلهاو جریبه کرنيزې ځمکې اوکښتونه تخریب شوي دي.
د هلمند ولايت دکرنې، اوبولګولو او مالدارۍ ریاست اړوند د ناوې ولسوالی د کرنې مسؤلو کارمندانو نوموړو سيمو څخه له نږدې لیدنه وکړه، هلته د اوښتو زیانو په اړه یې د سیمې د خلکو سره لیدنې وکړې، د کرنیزو ځمکو د تخریب او اوښتو زیانونو په اړه یې ارقام او احصائیه واخيستل.
د یادونې وړ ده چې د ارغنداب او هلمند سیند د ګډېدو پر مهال دبست کلا په سیمه کې هم ګڼو ځمکوالو ته زیان اوښتي دي، هلته یې هم سلګونه کرنیزې ځمکې او شنه فصلونه زیانمن او یا هم له منځه وړي دي.
د سیمې خلک د بېړنیو مرستو غوښتنه کوي او وایي چې پر ځمکو کرلي کښتونه یې له منځه تللي دي او دا مهال له ګڼو ستونزو او ننګونو سره مخ دي.
