د کانال رياست د مالدارۍ فارم هره ورځ ۵۵۰ليټره شيدې توليدوي
۲۹ زمری ۱۴۰۱ه.ش
۲۲ محرم الحرام ۱۴۴۴ ه.ق
د ننګرهار دکانال رياست چارواکي وايي، چې ددې رياست اړوند د مالدارۍ فارم د ورځې تر ۵۵۰ ليټره تازه شيدې توليدو او بازار ته وړاندې کوي.
د چارواکو په خبره، یاد فارم چې د هډې فارم په ۱۷ جریبه ځمه کې جوړ شوی دی، په دغه فارم کې ۲۸۵ سره څاروي موجود دي، چې په کې غواګانې، خوسکیان او غوایان ... شتون لري، چې له ډلې يې۵۵ سره غواګانو څخه هره ورځ ۵۵۰ لیټره او د میاشتې ۱۶۵۰۰ لیټره تازه شېدې ترلاسه او د درنو هېوادوالو خدمت ته وړاندې کېږي.
اوسمهال په دغه فارم کې بېلابېل فعالیتونه روان دي، چې په کې څلورګونو فارمونو کې شته بڼونو ته حېوانې سرې لېږل، د غوجلو پاکول، منظمه خوراک تهیه او نورې اړينې چارې شامل دي، چې ورسره په دې فارم کې نږدې ۱۶۰ کسانو ته دکار زمینه برابره شوې ده.
